தீபஜோதி

தீபஜோதி    

தீபஜோதியாய் வருவாய் நீ தீப ஜோதியாய் வருவாய்

திருமகளே பொருள் தருமகளே நீ தீபஜோதியாய் வருவாய்

1.உனதருள் உளதேல் உலகாம் – இன்றேல்

உலக வாழ்வு கொடும் நரகாம்

தனதானிய ஸௌபாக்கியம் தருவாய்

திருமகளே பொருள் தருமகளே நீ தீபஜோதியாய் வருவாய்

2.பாற்கடல் உதித்த பொற்கொடியே – உந்தன்

பார்வை பெற்றவர்க்கேதும் எளிதாம்

சேர்த்தபின் பயனுறும் செல்வமும் தருவாய்

திருமகளே பொருள் தருமகளே நீ தீபஜோதியாய் வருவாய்

3.வீரத்திருமகளின் நோக்கம் – எல்லா

வெற்றியளிக்கும் மன ஊக்கம்

சீரும் சிறப்பும் மனத்திறமையும் தருவாய்

திருமகளே பொருள் தருமகளே நீ தீபஜோதியாய் வருவாய்

4.செந்தாமரை வளர் ஒளியே – ஐயன்

திருமார்பினுள மணியே

என் தாய் நினதருள் வாழ்க வாழ்க நீ

திருமகளே பொருள் தருமகளே நீ தீபஜோதியாய் வருவாய்

5.கமலநயனமிகும் கருணை – எந்தன்

கவிகள் பாடுமிடம் பொழிவாய்

வம்சமுழுதும் எனக்கருள் வரம் தருவாய்

திருமகளே பொருள் தருமகளே நீ தீபஜோதியாய் வருவாய்

6.தோகை நினதருளின் துணையால் – நான்

தொட்டதனைத்தும் பயனளிக்கும்

யோக போக சுக வாழ்க்கையும் தருவாய்

திருமகளே பொருள் தருமகளே நீ தீபஜோதியாய் வருவாய்