ஈஸ்வரன் துதி

ஈஸ்வரன் துதி

உலகெலாம் உணர்ந்து ஓதற்கரியவன்

நிலவுலாவிய நீர்மலி வேணியன்

அலகில் சோதியன் அம்பலத்தாடுவான்

மலர் சிலம்படி வாழ்த்தி வணங்குவாம்

உலகம் யாவையும் தாம் உளவாக்கலும்

நிலை பெறுத்தலும் நீக்கலும் நீங்கலா

அலகிலா விளையாட்டுடையார் அவர்

தலைவர் அன்னவர்க்கே சரண் நாங்களே

வாழ்க அந்தணர் வானவர் ஆனினம்

வீழ்க தண்புனல், வேந்தனும் ஓங்குக

ஆழ்க தீயதெல்லாம் அரன் நாமமே

சூழ்க, வையகமும் துயர் தீர்கவே

விமலமதாய் வேறற்ற வகண்டாகார

விருத்தியினில் விளங்கிய ஸத்குருவே போற்றி!

அமலமதாயகண்ட பர வித்தையாகி

அவித்தையெல்லாம் நீக்கிய ஸத்குருவே போற்றி!

நிமலமதாம் வித்தைக்கும் அப்பாலாகி

நிச்சலமாய் நின்ற பரமகுருவே போற்றி!

ஸமமதுவாய் சற்றுமொரு சங்கமின்றிச்

சன்மார்க்கமான ஸத்குருவே போற்றி! போற்றி!.